منتــديـــات الأميـــر

ملتقي الشباب برنامج حواري،هدفه، إتاحة المجال أمام الشباب للتعبير عن أنفسهم وأفكارهم وعرض تصوراتهم ومواقفهم تجاه ما يدور حولهم من أحداث وتطورات محلية وإقليمية ودولية، ومن مستجدات فكرية وثقافية، وكذلك الحديث عن آمالهم وتطلعاتهم وعن مشكلاتهم وهمومهم ومحاولاتهم لتحقيق الآمال والتغلب على المشكلات، وذلك كله بهدف تطوير شخصية شباب المستقبل ورفع معنوياتهم وزيادة همتهم وتنمية إبداعاتهم وسلوكياتهم العملية عبر مجالات :
- المستوى الفكري والثقافي
- الطموحات والآمال
- المشكلات و التحديات
- الاسرة والمجتمع
- دور الشباب في صناعة الحاضر و المستقبل
- مكونات الوطن و الهوية و الانتماء
- الابداع
منتــديـــات الأميـــر


    يا عمو عيييييييييييب - حلمنتيش

    شاطر
    avatar
    alameer

    عدد المساهمات : 39
    تاريخ التسجيل : 23/02/2012
    الموقع : sudan

    يا عمو عيييييييييييب - حلمنتيش

    مُساهمة من طرف alameer في الثلاثاء فبراير 28, 2012 7:07 pm

    عشرين سنة!!!شن جابا للخمسين سنة!!
    شن جاب شجرة القرضة جنب السوسنة
    يا عمو جاي كايس العرس؟؟
    يا عمو ما وعيت الدرس!
    وتابعت شيطان النفس!
    بيتك أنيق في الإمتداد ..
    عربية بيجو ومرسيدس!!

    قايل الزواج حزمة قروش؟؟
    عربات وحوش!!
    وللا التياب.. وللا الزفاف ..
    وللا الفساتين وا النفوس!
    كل السعادة الفي الزواج ..الريدة بس
    والباقي في حكم العدم..
    يا عمو بعد الشيب..ده عيب
    ناس الرطوبة الفي العضام..
    والسكري المليون صليب
    يا عمو كملت السمك ..
    عاوز كمان تشرب حليب؟؟
    !!يا عمو لا ..يا عمو عيب
    ************************

    يا عمو..لا.. البت ابت --
    البت بكت ...قالت ابييييت
    غشيت ابوها اديتو بيت ..
    وأمها..حلفت تحججها!!
    يا عمو بتك قدرها!!
    ويمكن تكون أكبر كتيير من عمرها!!
    حتقول شنو لمن تجيك وتكلمها؟؟
    حتقول: زمان كيلو اللحم كان بي قرش؟؟!!
    والسكر الراس بي قرش..
    والويكة مفروشة في السوق بالبرش
    عقلك يعود للماضي من تمانين سنة....
    تحرم مشاعر خضرا دابا ..
    تشقي البنية وتحرما
    يا عمو عيب يا عمو لا
    **********************
    حتعيش معاك..زي راهبة بس في جوه دير
    !!ويمكن تخونك يا ..عوير
    وأسمع كمان ..يا دون جوان
    !!يا قيس ويا عمر الشريف
    خليك حريف
    وريني ..شن جاب الربيع واخر الخريف؟؟
    ***********************

    يا عمو أحسن ليك
    !أمسك الدرب العديل
    وأبني جامع وإستبالية
    خلي القريشات تبني جيل
    وأعمل عمل خير ينفعك قبل الرحيل
    يا عمو لو عايز تحج ..أحسن تحج
    وشوف صلاتك والصيام

    وأعرف تمااااااام ..عرس الصقر من الحمام أكبر حرام
    عرس الصقر من الحمام أكبر حرام
    يا عمو رووق
    avatar
    توتة احلى بنوتة

    عدد المساهمات : 20
    تاريخ التسجيل : 28/02/2012
    العمر : 26

    رد: يا عمو عيييييييييييب - حلمنتيش

    مُساهمة من طرف توتة احلى بنوتة في السبت مارس 03, 2012 8:27 pm


    Smile نااااااااااااااااااايس Smile






    _________________
    اني وان كنت الاخير زمانة لآت بما لم تستطعه الاوائل

      الوقت/التاريخ الآن هو السبت نوفمبر 18, 2017 6:06 pm